俄羅斯誓數立陶宛壯行色

猪拉多纳

俄羅斯上周五逼和烏拉圭之後，今晚會進行歐國盃熱身賽第二擊，今晚佢哋喺中立場瑞士同弱旅立陶宛拍跳，擺明係想搵對手祭旗振軍心！1.95倍「讓球客勝」抵捧！（開賽時間：周三凌晨1:45）

上仗俄羅斯雖然只係和波收場，但表現其實唔差，即使面對應屆世界盃殿軍烏拉圭，全場都係佔得上風，無疑面對敵軍蘇亞雷斯嘅反擊，俄羅斯後防都有多少混亂，但最後1:1收場算係大家都收貨。不過今晚對手換上喺歐國盃外圍賽排尾二嘅弱旅立陶宛，相信形勢會完全唔同，力奇睇過立陶宛嘅大軍名單，唔好意思，真係搵個踢主流聯賽都冇，試問今晚搵乜同俄羅斯砌先？
右閘拿巴堅趕上尾班車

俄羅斯主帥艾禾卡特日前鬥完烏拉圭之後，隨即公布歐國盃終極23人名單，較為戲劇性係初選26人都冇份嘅莫斯科中央陸軍右閘拿巴堅，竟因為早前有兩名防線主力退隊，最終上到尾班車。其餘人選都相當正路，前線仲有艾沙維、柏夫里約真高同普格恩耶克孭飛，贏盡質素同決心，要大勝一場唔難。