鯨魚闖關「德」心應手

猪拉多纳

亞冠盃東亞區16強賽事今晚爆發，阿德萊德聯喺主場迎戰名古屋鯨魚，平手都博唔過。雖然阿德萊德聯喺分組賽首名出線，但澳職水準始終同日職有距離，何況鯨魚教練史杜高域領軍打袋鼠兵未輸過，唔使讓波值得支持。（now671台周二晚6:00直播）

鯨魚近9戰得2勝3和4負，受腰傷困擾踢唔晒嘅「得點王」約舒亞堅尼地，期間入得1粒。不過佢得到澳洲國家隊批准延遲歸隊，而且佢希望用入球保住正選，以免喺世盃外圍賽被飛，鬥心爆晒棚。
阿德萊德聯打單箭頭抗敵

仲有呀，鯨魚教練史杜高域4次領軍出戰澳職球隊有2勝2和，包括今屆分組賽主場以3:0大破中岸水手，加上有阿德萊德嘅日本餐廳老闆，願意為鯨魚解決飲食問題，肯定踢得更醒神，即使中場丹尼臣哥度巴同吉村圭司近排加入傷兵名單都唔怕。

對手阿德萊德聯喺09年亞冠盃4強，兩回合計曾經以0:5慘負大阪飛腳，即使今屆趁對手換帥經歷災難性低潮，分組賽兩勝對手成功復仇，都唔代表真係靠得住，而且佢哋嘅教練高斯米拿話冇打算變陣，諗住繼續用迪捷特做單箭頭，火力唔足夠擊退對手。
美職聯賽盃及亞冠盃賽制：

美職聯賽盃為第3圈，亞洲聯賽冠軍盃為16強，兩項賽事均以一場過分勝負，若法定時間內打成平手，則需加時30分鐘作賽，再和則互射12碼決勝負。