英乙升班附克魯秤先

猪拉多纳

有別於英冠及英甲，英乙升班附加賽連第7名都有份玩，今晚喺倫敦溫布萊上演嘅決賽，就由第6嘅車頓咸大戰第7位嘅克魯。睇番近6季嘅英乙附最終得勝者，就只得一屆落喺排名最高（第4）嗰隊，可見車頓咸同克魯今季喺英乙雖然相差5分，但去到決賽都只係咁高咁大，今戰開出平手盤相當合理。
今季兩度砌低車頓咸

畢竟今仗只係一場第4級別聯賽，都係講多啲數據比較實際，喺3月曾經歷4連敗嘅車頓咸，去到季尾及時反彈，近6場波取得5勝，但講到近況，點都唔及克魯穩定，佢哋自2月尾起未輸過，今仗再過一關就可以將不敗紀錄延伸至19場，再創球會歷史。

再睇番雙方今季對賽紀錄，克魯繼去年10月26日以1:0小勝之後，上個月再以同樣比數砌低車頓咸，今場平手盤冇理由唔博多次克魯。（開賽時間：周日晚10:00）

足球重心：克魯（平手）、聖保羅（讓球主勝）

馬膽推介：1場G奇兵

上仗初出僅負於有出賽經驗嘅「奪目商人」及「赤膽」，演出其實唔差，今仗改跑轉彎路程抽得1檔，對新馬幫助極大，勿因韋達棄騎而忽略。
英乙升班附加賽賽制：

賽事於中立場溫布萊上演，以一場過分勝負，若法定時間內打成平手，需加時作賽，再和就互射12碼分勝負。