法國細擒冰島

猪拉多纳

法國為備戰歐國盃，今晚於華倫西恩斯主場迎戰冰島，法國雖已保持十八場國際賽不敗，不過近期熱身賽卻遇強愈強、遇弱愈弱，今次為達練兵之效未必會大勝，主W太熱唔抵玩，波童建議捧細盤。（now 632及714周一凌晨3時直播）

自從白蘭斯於南非世界盃後接掌帥印，法國除頭兩場不敵挪威及白俄羅斯，之後十八場國際賽一共取得十二勝六和，當中包括擊敗英格蘭、巴西、德國等勁旅，成績似乎唔錯，但要留意法國呢幾場都係喺被睇低之下打反擊贏波，當面對實力較弱對手，要佢哋主攻反而冇着數。從法國早前熱身賽打和比利時○比○、對美國及波蘭都係小勝一比○就係最佳例子。
敵帥有料 頂得兩嘴

冰島目前世界排名一百三十一位，睇牌面當然難及主隊，不過佢哋勝在冇心理包袱，而且領隊拿格碧克亦係有料之人，佢曾經帶領瑞典出戰多屆世界盃及歐國盃決賽周，今次冇壓力之下話唔定有意外驚喜。以法國近年進攻水準，今場就算贏波都好大機會一球起、兩球止，主W太熱冇肉食，改捧細盤仲抵玩。