歐洲盃：兩挫葡萄牙成就04神話

猪拉多纳

雖然我係葡萄牙人，但對希臘足球史都可以話係瞭如指掌，皆因夠簡單嘛！希臘喺國際足球大舞台唯一一次揚威，當然係2004年嘅葡萄牙歐國盃啦，當年佢哋參賽根本冇人睇好，喺分組賽雖然贏過葡萄牙，但都只係憑1勝1和1負成績勉強出線。點知去到淘汰賽，呢班友就愈踢愈癲，先後擊敗法國同捷克入決賽，最後喺終極戰再次砌低東道主葡萄牙奪標，嗰年佢哋仲獲選為年度最佳球隊添。