歐國盃：Ｃ朗戥里奧落選唔抵

猪拉多纳

葡萄牙球星基斯坦奴朗拿度（C朗）已向國家隊報到，佢最近接受英國傳媒訪問，就為前曼聯隊友里奧費迪南落選英格蘭歐國盃大軍抱不平：「里奧係英格蘭最佳中堅，屬於世界級守將，我真係唔明點解佢會落選，我實在非常欣賞里奧，佢絕對有資格佔英格蘭國家隊一席位，佢一定可以為球隊爭標作出重大貢獻。」

問到鶴臣是否英格蘭合適主帥，C朗似乎有保留：「我唔知呀，因為對佢唔係好熟悉，大家睇吓點。」另外，C朗指意大利同葡萄牙都有望捧盃，但最大機會奪冠軍係德國、西班牙同荷蘭。