甘美奧主場希人太甚

猪拉多纳

巴西盃八強最後一場周五早上上演，由甘美奧主場對巴希亞。甘美奧剛於聯賽作客不敵華斯高，球員谷埋一肚氣，今次返主場正好搵對手發洩，以球隊近九仗主場贏晒嘅表現，對巴希亞可以淨勝兩球或以上，捧甘美奧「讓球主勝」。（周五早上８時開賽）

雖然巴甲啱啱先開咧，但其實巴甲球隊早於二月頭已經繁忙咁比賽緊，包括巴西盃同埋各州聯賽，甘美奧就係喺呢啲比賽中，累積咗主場九連勝嘅超靚賽績，確係令人眼前一亮。
上季三勝巴希亞

巴希亞剛於聯賽主場同山度士踢成○比○，呢個賽果對巴希亞嚟講本來係唔錯，但在山度士留力踢自由盃情況下，巴希亞都偷唔到雞主場贏波，證明近況都唔係好，今次作客更難睇好。事實上巴希亞上季三次對甘美奧都輸晒，今場好難有爆冷空間。