小保加乘勝追擊

猪拉多纳

聽朝南美自由盃爆發8強次回合，巴西嘅富明尼斯會喺主場硬撼阿根廷「一哥」小保加。小保加近期弗到爆，加上射手韋亞迪上場一復出即射入世界波，呢場面對受傷停困擾焗出殘陣嘅富明尼斯，料至少可以保持不敗，受讓1球必捧1.7倍「讓球客勝」！（有線61、201及廣東體育周四早上6:30直播）

首回合小保加憑前鋒柏保路莫治入波，主場贏富明尼斯1:0，今場只需和波就可以出線。呢支阿根廷老牌球隊今季重現強勢，上場作客贏競賽會後，將不敗走勢增至10場，同時再次升上阿甲榜首，當中養傷多時嘅前鋒韋亞迪，仲一復出就入世界波，相隔217日再次取得「士哥」，呢場隨時成為小保加嘅秘密武器。
阿甲「一哥」Lead緊1粒

除咗韋亞迪，其實小保加另一射手坦基施華同中場蘇莫沙都已經好得七七八八，家陣只等球會官方認可就可以候命，當中烏拉圭射手坦基施華據報今場極大機會納入大軍名單，大大增強小保加嘅板力量。

為留力應付8強大戰，富明尼斯日前喺巴甲揭幕戰作客哥連泰斯僅派副選落場，雖然最後仍贏1:0，但其實佢哋今仗前場好大鑊，繼進攻核心迪高拉傷四頭肌，至少要抖2個禮拜後，教練艾比爾布拉加仲宣布射手費特、中場艾雲華倫西亞同迪根奴聽朝繼續缺陣，上季巴甲最佳新人威靈頓尼姆就因大腿受傷上陣成疑，加上後衞卡連奴斯停賽，陣容殘到爆，對住強勢嘅小保加，真係再輸都唔奇。
自由盃及巴西盃賽制：

採主客兩回合淘汰制，今輪為8強次回合，若總比數相同，作客入球較多一隊晉級，再和則於次回合後隨即互射12碼決勝。