葛度爾古斯沉淪 搞唔掂「小人」

猪拉多纳

今晚葛度爾古斯會喺阿甲主場對小阿根廷人，葛度爾古斯近期走唔出自由盃出局陰影不特止，仲愈踢愈沉，相反小阿根廷人就正值強勢。正所謂寧捧當頭起，既然「小人」受讓1球一於捧1.58倍「讓球客勝」！（開賽時間：周六凌晨4:10）
葛度爾古斯17場不勝

早前葛度爾古斯因為要兼顧自由盃分組賽，基本上放棄所有阿甲賽事，但勢估唔到喺自由盃出局後，對佢哋仲傷，上輪作客學生隊輸0:1後，連盃賽已累積17場不勝，愈踢愈沉，成3個月未贏過波，最恐怖係已經5場聯賽食白果添！

葛度爾古斯近期火力咁曳，主要因為射手魯賓拉美尼斯一直受右足踝傷困擾，遲遲未能上陣，再加上中場另一主力迪亞高維拿又因右內收肌受傷肯定缺陣，奧美度又因左腿受傷倦勤，陣容唔完整點睇都唔似可以反彈。
小阿根廷人作客勝率高

相反小阿根廷人近排表現回勇，繼作客贏沙士菲後，上輪主場又贏競賽會2:1兩連勝。雖然後衞沙治奧艾斯古迪路上場領紅今場要停賽，好彩另一後衞巴蘇拿刑滿復出，及時填番個窿，再睇埋小阿根廷人今季作客勝率高達57%，係阿甲作客第二勁球隊，今晚作客頹到震嘅葛度爾古斯，可謂坐和望贏。