飛腳攞尾彩贏德

猪拉多纳

歐洲四大聯賽圓滿結束，肥叔都要飛去倫敦同行家交流，檢討過去一季得失。主流聯賽收咧，仲有北歐、美洲同亞洲波，但呢類賽事資訊始終唔夠流通，大家投X時要小心！今次推介亞冠盃Ｅ組賽事，大阪飛腳主場對阿德萊德聯，睇好主隊可勝。

（周三晚６時開賽）

飛腳已經出局，阿德萊德聯已獲十六強席位，表面上似係一場例行公事？咁又未必，日本球隊一向比較正氣，即使賽事意義唔大，亦好少揸流攤，特別喺自己地頭比賽更加會拚盡，以報答球迷支持。而且今仗作為飛腳今屆亞冠盃最後一戰，亦希望贏波攞番個尾彩。澳洲球隊阿德萊德聯遠赴日本比賽，球員舟車勞頓仲要適應氣候等問題，未見官先打八十大板，加上戰意亦不足，好難同主隊抗衡。
砂岩可挫山葉

另外，日聯盃Ａ組，鳥棲砂岩主場對磐田山葉，砂岩今季升上日職，異軍突起主場保持不敗，今場遇上作客三連敗嘅山葉，睇好砂岩。
肥叔心水

布里斯班獅吼 上盤

鳥棲砂岩 平手盤

札幌岡薩多 下盤

大阪飛腳 上盤