賀芬咸復仇送哈化一程

猪拉多纳

05/05/2012
文： 蘇斯黑柴

德甲煞科，懸念無多！今晚最後一輪9場賽事同時開波，基於前4名已順序確定，全晚最受關注係尾三嘅科隆同尾二嘅哈化柏林其中一隊，會陪同包尾嘅凱沙羅頓降班，哈化主場對賀芬咸，好不幸遇上對手由「仇人」巴布領軍，黑柴相信客軍有戰意送哈化一程，推介1.85倍賀芬咸「讓球客勝」。


（周六晚9時30分開賽）


哈化護級非勝不可，賀芬咸踢風流波，所以主Ｗ熱到得1.85倍，但哈化實力同狀態都差，上仗作客慘吞史浩克04四蛋已算少，若非史浩克鋒將屢失良機，哈化起碼要抬半打光蛋，最慘係佢哋主場仲衰過作客，近4仗主場全敗共失14球，包括上仗主場輸畀已篤定降班嘅凱沙羅頓，黑柴唔信佢哋最後一日可以突然脫胎換骨大翻身。


賀芬咸冇嘢爭，但球隊上下都支持新帥巴布，巴布上半季帶領哈化攞到中游成績，點知因為同體育總監派列斯反面，最終被炒。哈化喺炒咗巴布後愈踢愈曳搞到水深火熱，今仗賽前巴布仲落井下石，話要同派列斯算舊帳，黑柴相信賀芬咸有幫新帥「復仇」戰意，哈化恐難逃出生天。

多蒙特挑戰最高得分紀錄

此外，已提早奪冠嘅多蒙特今晚除咗喺主場進行捧銀碟儀式外，亦爭取突破德甲史上最高得分紀錄，舊紀錄保持者係拜仁，佢哋於71-72同72-73兩個球季都以79分（換算成3分制）封王，多蒙特現時已經有77分，今仗贏波即可刷新紀錄，主場對弗賴堡必搶攻，遇上近況弗爆兼冇嘢輸嘅客軍會係對攻格局，入球大細調整到3.5球都唔驚，照捧1.93倍大盤。（有線62及202台周六晚9時30分直播）