比馬風林齊食大茶飯

猪拉多纳

03/05/2012
文： 法達斯維

今日斯維搞搞新意思，同大家傾傾日乙波。湘南比馬今季表現超班，除位居榜首外，火力非常驚人，但對手作客嘅甲府風林絕非善類，入球大分頭好有買趁早。


（周四下午5時30分開賽）

高手過招入波唔少

自從前季於日職失敗而回，經過一季適應後，湘南比馬重拾勁旅本色，他們暫時與山形山神同分，憑較佳得失球暫列榜首。其中以馬場賢治表現最突出，呢位攻擊中場開季至今已取得五個士哥，佢飄忽難測的後上埋門，加上湘軍入波唔係局限於前鋒，分布平均，令敵方防不勝防。


當然，排第三的甲府風林唔係好蝦，特別係陣中擁有巴西前鋒、有十球進帳的達維。雖然風林以防守見稱，但都具備反撲本錢，其實他們只落後比馬四分，若取勝便可拉近雙方距離。這種高手過招的場合勝負難料，入球大有1.85倍更加值博。