半場波膽4.8倍0:1勁抵玩

猪拉多纳

30/04/2012

最近足智彩推出新玩法「半場波膽」同「半場大細」，講到近年「曼市打吡」出現最多嘅「半場黃金波膽」，就係冇交收0：0。同時，由於曼城近8次對賽6次半場冇波入，今晚半場波膽吼實2.75倍0：0、拖埋4.8倍曼聯

領先1：0夠穩陣！

對上8次對賽，曼城得2次半場有波入，雙方最近喺足總盃碰頭，當時曼城半場更落後0：3，而且近4次英超對賽中，紅魔只失1球，恰慣對手頂住半場唔難。假如信往績撐曼聯半場唔失波，咁今戰就要吼實半場0：0波膽喇，事關雙方近8次對賽有4次出現呢個半場比數，而且今場直接關係到爭標形勢，大戰氣氛濃踢得保守好正路。


同時，可以吼埋4.8倍嘅紅魔半場領先1：0波膽。事關近排曼聯攻擊線上嘅朗尼、韋碧克、拿尼、艾舒利楊格同路爾斯華倫西亞狀態大勇，作客先開紀錄機會都幾高，只要防線生性守得住，吼實紅魔半場領先1：0隨時有斬獲。