曼聯「淡定有錢剩」

猪拉多纳

30/04/2012
文： Wendy

周二凌晨將會上演本季英超最重要一仗，由曼徹斯特雙雄正面交鋒，當然會提供3D直播！矢志贏得首次英超冠軍嘅曼城主場迎戰曼聯，「紅魔」上仗主場完場前慘被愛華頓逼和，優勢只剩下三分，聯賽只剩三輪賽事下，呢場打吡戰絕對唔輸得，事關佢哋得失球落後畀曼城，假如呢場輸波，榜首亦會拱手相讓。


曼城今季聯賽主場威力驚人，十七戰取得十六勝一和佳績，攻擊火力冠絕英超！但係「紅魔」聯賽作客成績亦相當好，整季只失十三球，反映佢哋作客以穩字行先，務求做好防守，再伺機反擊，作客表現穩定亦係佢哋能夠暫時喺積分榜力壓曼城嘅主因。


陣容方面，曼城「腦殘」巴洛迪利波監期滿復出，但估計文仙尼仍會倚重續有好表現嘅阿古路同泰維斯攻堅，配合拿斯尼同大衞施華等後上攻擊以圖衝破曼聯防線。曼聯方面，費格遜表明會棄用唔聽話嘅拉菲爾達施華，右閘將會用上基斯史摩寧或菲爾鍾斯，效果相信會比經常輕出鹵莽犯規嘅拉菲爾達施華更好！


「紅魔」多年嚟喺關鍵時刻嘅穩定性絕對信得過，加上一定要全取三分嘅「藍月亮」心態上一定會急進，反而可能會犯錯。


作為「紅魔」粉絲，呢場波受讓平半，一於撐曼聯到底！


Wendy推介：曼聯下盤

球彩專頁：http://fb.com/icable64

開放時間：晚上10:30至11:45（球盤傳真）