錘仔幫扑濕老虎

猪拉多纳

28/04/2012
文： 郭球奇

今晚英冠上演煞科戰，「錘仔幫」韋斯咸為爬過修咸頓「直升」英超，主場對已經無嘢爭嘅「老虎」侯城，唔止要贏波，仲要望大勝，齋計戰意已贏晒o架啦！更何況韋斯咸本身人腳超晒班，對賽仲有優勢，一於博韋斯咸一錘揼死老虎開2.05倍「讓球主勝」！（now639台周六晚7：30直播）


今季英冠認真峰迴路轉，原本以為韋斯咸打硬升班附加賽，點知上輪作客擊敗李斯特城，咁啱修咸頓又不敵米杜士堡，喺煞科日重燃直接升上下季英超希望。睇番積分榜，韋斯咸目前落後修咸頓2分，今晚一定要贏波先有機會「直上」，而且因為得失球落後3球，所以最好仲要大勝，如果修咸頓喺另邊廂和波，都可以藉較佳得失球「直升」！

路蘭叫高雲地利唔好放水

為達成重返英超願望，「錘仔幫」領隊艾拿戴斯賽前出口術，話全世界都睇好修咸頓今晚可以贏高雲地利，好易壓力爆煲，至於中場路蘭就叫降咗班嘅高雲地利有啲職業道德，全力對付修咸頓。不過講到尾，韋斯咸今晚對侯城，為「直升」一定要贏波，睇番人腳，其實韋斯咸真係超班，基本上全隊都有踢英超經驗，就算喺壓力下比賽，對佢哋嚟講根本係easy job！

侯城例行公事或收起主力

對家侯城暫排第8，早前發力爭升班附加賽，可惜上周主場贏森林取得2連勝後，因另邊廂嘅卡迪夫城搶到分，因此宣布升班無望，啱啱被球迷選為本年度侯城最佳球員嘅中場高倫仲喺比賽入面傷出，今晚好大機會缺陣。由於今晚已成例行公事，唔排除領隊班比會畀一啲今季少上陣嘅球員披甲，睇埋佢哋近6次作客烏普頓公園球場輸4鋪，睇怕今場都係凶多吉少！

侯城作客韋斯咸輸多贏少

日期 戰果


10/02/20 客負韋斯咸0：3

09/01/28 客負韋斯咸0：2

90/10/06 客負韋斯咸1：7

日期 戰果

90/01/20 客勝韋斯咸2：1

70/09/09 客負韋斯咸0：1

56/03/24 客和韋斯咸1：1

橫數千軍

韋斯咸愛做「大」騷

近8場4勝3和1負，有7場開入球大。

今季首循環作客贏侯城2：0。

侯城半場惡唔出樣

聯賽作客7勝7和8負。

近8場3勝1和4負，半場只試過1次領先。