卡城衝超做細界

猪拉多纳

28/04/2012
文： 麥馬拿仁

今晚英冠煞科，焦點落於卡迪夫城同米杜士堡身上。兩軍力爭最後一席升班附加賽席位，但今輪雙雙作客讓波有暗湧。米堡去到屈福特地頭，主隊攻力一流狀態勇，有力向米堡淋冷水；而卡城和波基本上達標，作客水晶宮寧捧細盤。


（周六晚7時30分開賽）


聯賽去到最後一刻，雷丁已肯定封王，黑池、伯明翰必入前六，樸茨茅夫、高雲地利及唐卡士打已篤定降班，最後一席升班附加賽席位，就由六、七位嘅卡城同米堡爭奪。卡城現已兩分壓住米堡，球差亦贏十球，故今場只要打和水晶宮，已幾乎標到尾會。卡城季尾表現一般，作客撼硬淨水晶宮未必有着數，球隊近七仗全開細，續追。米堡上仗擊敗修咸頓，保持升班一線生機，但球隊作客攻力疲弱，要讓屈福特過晒火，寧捧「讓球主勝」同大盤。

修咸頓搶直升爆「高地」

另一戰線就係直接升班席位之爭，次席修咸頓領先第三韋斯咸兩分，修咸頓只要於主場擊敗高雲地利，就可聯同雷丁來季升上英超。「聖人」本季正氣到暈，主場亦惡氣十足，高地已降班謝晒皮，預料「聖人」可大勝一場，捧「讓球主勝」。（now 638周六晚7時30分直播）


至於韋斯咸主場鬥侯城，「錘仔幫」當然可秤高些少，但如收到修咸頓早早領先，韋斯咸分分鐘收韁；加上韋軍主勝率唔高，今仗都係避之則吉，捧侯城「+1」好過。（now 639周六晚7時30分直播）

英冠推介

卡迪夫城 細

屈福特 讓球主勝

修咸頓 讓球主勝