維拉利爾可擒奧沙辛拿

猪拉多纳

28/04/2012
文： 山度士

上星期講過西維爾的盛極而衰，同樣係中型班的維拉利爾亦有類似情況。今季維拉利爾受歐聯所累，成績大倒退，依家仲衰到要護級，意大利籍射手基奧斯比羅斯一傷再傷要抖多半年，黑氣未除。


雖然經驗豐富的老帥洛迪拿接手後成功止跌，但該隊前鋒如尼爾馬、馬高魯賓近況低迷，迫使呢位前拉科教頭以穩陣行先，領先後經常龜縮防守，可惜多次臨尾香守唔住，近兩仗本應袋足六分，最終跌番四分，對住唔識入波的桑坦德，竟在補時階段被逼和，現已進入護級的生死關頭，好彩「黃色潛艇」在尚餘四輪下，領先尾三的薩拉戈薩六分，護級形勢仍然樂觀，大前提都係要自己爭氣先得。


奧沙辛拿雖然上仗主場賽和馬拉加，但作客表現大打折扣。況且維拉利爾之後仲要硬撼華倫西亞同馬德里體育會，今仗對住較弱的奧沙辛拿，必趁主場之利爭勝，度士撐「黃色潛艇」可贏波而回。


（now 632周日凌晨4時直播）