奧沙辛拿唔赦馬拉加

猪拉多纳

23/04/2012
文： 法達斯維

本周西甲壓軸戰，「四哥」馬拉加今晚出征奧沙辛拿，「暴發戶」馬拉加表現開始跌Watt，作客難讓奧沙辛拿，「讓球主勝」捧得過。（周二凌晨3時開賽）


今季西甲奇兵奧沙辛拿，擺脫以往年年護級頹勢，依家仲有機會爭歐霸席位添。佢哋秉承前教頭、即現時中國國家隊主教練甘馬曹打下嘅防守基礎，並以快速突擊殺到對手措手不及，其中魯爾加西亞、連奴、歷基治嘅反擊能力，確保奧軍經常搶到分，加上主場表現硬淨，現居第七並唔意外。

「暴發戶」近期跌Watt

相反，馬拉加近期演出令人失望，呢支「暴發戶」先後不敵維拉利爾同貝迪斯，上仗領先兼打多一人，竟被皇家蘇斯達逼和，以致未能趁華倫西亞頻頻失分下爬上第三，明顯出現信心危機。今場馬拉加作客仲要讓波實在過火，一於反名牌效應要「讓球主勝」。