紅軍雙箭射爆西布朗

猪拉多纳

22/04/2012
文： Katie

「你的樣子如何，你的日子也必如何！」每次Katie聽到呢句說話都好火滾，皆因小妹認為一個人會唔會成功，絕唔係單憑外表靚唔靚咁簡單，而係有冇真材實料，所以Katie好鍾意睇《完美SING戰》，希望社會可以好似呢個美國歌唱比賽真人騷咁公平。


《完美SING戰》喺美國之所以咁Hit，除咗係因為有Christina Aguilera同Maroon5主音Adam等星級評判之外，比賽規則亦都夠晒公平、公正。每當參賽者出場嘅時候，4位評判就會擰轉面齋聽，所以就算你好似魯芬咁嘅樣，只要唱得好就自然有機會贏！正正係因為咁公平，《完美SING戰》先至會為千千萬萬個樣子平凡嘅人帶嚟希望！

哨牙蘇開腔 想踢雙箭頭

睇人唔應該齋睇外表，Katie當初都覺得安祖卡路爾好樣衰o架，偏偏佢最近就勁爭氣，啲球迷愈笑利物浦入錯貨，卡路爾就踢得愈搏證明身價。紅軍近兩仗正正係靠卡路爾絕殺入波，先後搞掂布力般同愛華頓，就連蘇亞雷斯都話拍住卡路爾打雙箭頭舒服啲，相信杜格利殊會繼續安排佢擔正。


今晚利物浦對西布朗，冇錯兩隊都冇嘢好爭，但身為紅軍球迷，有邊個想睇到愛隊畀死敵愛華頓喺聯賽榜騎住呀？西布朗連續4場作客失分兼失9球，利物浦主場出擊實會做番齣好戲嘅。（有線201、301周日晚11：00直播）

Katie推介

利物浦


（讓球主勝）

外國長大，半個鬼妹仔，自細因爸爸成日帶朋友返屋企睇波而愛上足球，鍾意睇靚仔但唔會盲目追捧，最緊要係好波。

微博傳情 \(^O^)/

經過一日辛勞之後，有咩正得過同班Friends落Bar啤一啤呀？喺度同大家分享一單趣事，話說Katie上星期落老蘭，竟然撞到一個平時「唧」都唔笑嘅同事C君。小妹喺附近監視C君搞乜，發現佢揸住支酒撩緊女仔，平時就好似死咗人咁嘅樣，當日就談笑風生又健談，證明酒同女人絕對可以令男人起死回生。同樣道理，靚仔對Katie嚟講都好重要，小妹今日飛日本Relax，希望喺嗰邊遇到個型男啦，Sayonara！