蘇斯達反彈打殘維拉利爾

猪拉多纳

22/04/2012
文： SAMVO肥叔

星期六同大家傾過英超，周日轉到西甲同意甲。周日晚飯時間有兩場西甲，其中一場係皇家蘇斯達主場對維拉利爾，兩隊以皇家蘇斯達較為可取。其實維拉利爾整季演出都唔好，其中一個原因當然係傷兵問題。今場皇家蘇斯達讓平半，上盤一定揀。


（now 632周日晚６時直播）


維拉利爾前鋒基奧斯比羅斯今季重創，對於球隊攻力影響好大。據講最近已飛往美國接受膝部手術，即係話歐洲國家盃都唔使預佢。其實管理層都諗過好多方法去彌補不足，但點搞都冇明顯改善。況且維拉利爾聯賽作客成績都幾差，能否威脅到皇家蘇斯達都成問題。皇家蘇斯達近幾場表現唔算特別醒神，但勝在有主場幫手，有利於球員發揮。

馬體會受讓要「愛」

另一場係馬德里體育會主場對愛斯賓奴，主隊讓波下盤捧得過。其實馬德里體育會個心早就已經飛咗去歐霸盃，根本冇意思喺聯賽打拚，而主力射手法卡奧未必會喺正選名單當中。馬德里體育會殘陣，讓波就益咗愛斯賓奴。至於意甲方面，熱拿亞主場對錫耶納，主隊讓半球要上盤。近期熱拿亞頻頻失分，如果再冇三分落袋就隨時跌入降班區域。錫耶納作客咁鬼曳，熱拿亞一定會把握良機。

肥叔心水

皇家蘇斯達上盤


曼聯上盤

熱拿亞上盤

史浩克04上盤

利物浦大

愛斯賓奴下盤