華倫聯賽hea踢大解放

猪拉多纳

22/04/2012
文： 法達斯維

今晚西甲壓軸戰，個心已飛晒去歐霸嘅「蝙蝠」華倫西亞，唔好期望會於聯賽反彈，主場遇上飄忽難測嘅貝迪斯，與其捧邊隊贏咁傷神，不如揀有1.7倍嘅入球大仲好。


（now 632周一凌晨3時30分直播）


老實講，華倫上周中歐霸作客馬體會表現差勁，淨係「歐霸射手」法卡奧已搞到「蝙蝠」防線亂晒大龍，但列卡度哥斯達補時嘅入波追番2比4，重燃出線希望。雖然華倫之前於聯賽勁失分，但緊隨其後嘅馬拉加及利雲特又唔爭氣，令其前四位依然穩固，難得歐霸有爭標機會，今仗對貝迪斯已擺埋一邊。

貝迪斯冇壓力鬥攻

華倫留力無可厚非，但後備如阿度里斯、柏保路靴南迪斯都想爭取表現，適逢今場對手貝迪斯已上岸，旗下射手魯賓卡斯度、辛達告魯斯同佐治摩連拿頻有士哥，雙方於冇乜心理包袱下會放開嚟踢，隨時為球迷奉獻一場入球騷。