Ｈ組煞科主場冧fans 智大贏畀你體

猪拉多纳

19/04/2012
文： Mic少

明早南美自由盃上演A及H組最後一輪賽事，H組智利大學主場對國民體育會，兩隊都已經取得十六強席位，今仗屬於首名出線之爭。「智大」必須贏波先至可以獲得小組首名，喺廣大主場球迷面前一定搏命攞威。哥倫比亞球隊國民體育會取得出線權，已算完成任務，相信唔會破壞主隊開派對，主W穩陣。（周五早上9時開賽、馬會網上文字直播）


根據賽制，小組首名進入十六強後，對手會係其他組次名，理論上賽程較易踢，所以智利大學唔會放過攞三分，以一哥身份出線嘅機會。事實上，「智大」狀態非常弗，取得八連勝，其中六場保持不失，表現近乎完美。球隊走勢咁好，當然唔想畀佢停，預料仍會出真功夫。

國民體育會次名都收貨

至於國民體育會只屬自由盃稀客，今屆可以取得小組出線權，已有交代，唔會太介意攞到小組首名或次名，戰意肯定唔及「智大」。加上國民體育會近七次作客僅一勝，相信亦難阻「智大」贏波。

Ａ組巴西雙雄炒味濃

A組兩支巴西球隊分途出擊，山度士主場對玻利維亞球隊強者，國際體育會作客秘魯球隊祖安奧列治。國體會要贏波先至可以穩奪出線席位，鬥心一定強，而且對手祖安奧列治已篤定出局，國體會有力大勝，捧「讓球客勝」。（周五早上6時45分開賽）


山度士出線仲未穩，要全取三分先穩奪首名，強者出線形勢處於被動，一旦比賽期間，當另一場競爭對手國體會取得領先，好可能會打擊強者士氣。今場主W熱爆，似暗示客隊強者未夠班，山度士「─2」照要。

推介

國際體育會 讓球客勝

山度士 讓球主勝

彭拿路 勝

智利大學 勝