撐華倫補埋半場和

猪拉多纳

19/04/2012
文： 麥馬拿仁

兩兄弟咁高咁大，本身已難分高下，去到歐戰四強必更謹慎，如此局勢，當然捧受讓一方！歐霸盃四強首回合爆「西甲內訌」，馬體會主場鬥華倫西亞，客軍熟晒對手路數，近六次交手不敗，「讓球客勝」必揀，當中五開「半場和」，一樣好路！（有線61及201台周五凌晨3時05分直播）


今屆歐霸盃西甲大晒，四強當中三支屬「鬥牛國」球隊，馬體會就撞正華倫西亞。雙方季季都鬥，對彼此踢法、路數、虛實瞭如指掌，去到盃賽關鍵階段，兩軍在精心部署下，絕對唔會出現Hea踢情況，故以往對賽成績更加有參考價值。翻查往績，華倫近季非常擅於應付馬體會，近六交手取得兩勝四和不敗戰績，而且近三次去到卡達朗球場，「蝙蝠兵團」都未輸過，今仗又點會赦馬體會？

首回合無謂搏有保留

以波論波，華倫西亞配搭亦比馬體會平均。雖然馬軍喺前阿根廷悍將施蒙尼執教後，後防有明顯改善，但近三仗先輸畀利雲特，之後再畀皇馬大炒四個一皮，後防甩漏情況又試出現。事實上，09至10年歐霸八強華倫喺次回合作客馬體會，「蝙蝠兵團」全場佔盡優勢，如非當時鋼門迪基亞屢救險球，馬軍絕不能保住○比○戰果。


除「讓球客勝」好路外，半場和亦值得(目及)實。話晒去到四強，雙方實力接近必步步為營，而且今場只係首回合，要分勝負亦不在一時，故上半場分分鐘係悶戰一場。事實上，兩軍近六次對碰，五次半場打和，華倫近六次去到馬軍地頭，亦五開「半場和」。

歐霸盃奪標賠率

馬德里體育會（2.9倍）


華倫西亞（3.65倍）

士砵亭（8倍）

畢爾包（2.55倍）

資料來源：馬會