聯賽後顧 半和＋細

猪拉多纳

18/04/2012
文： 車車

歐聯四強，究竟邊隊最有冠軍相？拜仁？皇馬？巴塞抑或車路士？好難估啫！尋晚先上演咗拜仁對皇馬，今晚到車路士主場對巴塞隆拿。車仔喺史丹福橋球場表現好醒神，而巴塞嚟緊西甲要硬碰皇馬，首回合未必去盡，我認為兩隊今晚會先慢後快踢突擊，揀半場和，兼開入球細！

近3對賽全和

車路士依家排英超第六，要爭前四仲有機。佢哋啱啱喺足總盃四強搞掂熱刺，嚟緊同利物浦爭標，三線作戰情況下好講求留放。好彩車仔近況唔差，已經保持近七場不敗，近十場主場更有七勝三和，史丹福橋球場威力有番咁上下。巴塞喺魯營就巴巴閉，但畢竟車仔主場成績唔曳，巴塞作客未必贏梗。


至於巴塞隆拿依家喺西甲同皇馬相差四分，佢哋當然想贏晒西甲、歐聯同西班牙盃冠軍，嚟個完美結局，但世事豈能盡如人意。巴塞擅於玩傳球伎倆、控球能力一定高過車路士，淨係玩one、two都夠消磨時間。


不過雙方近三次對賽都和波，再加上大家都分別有後顧，車路士下一場要對阿仙奴，而巴塞就要硬碰皇馬，喺各自聯賽都仲有目標要爭，我認為兩隊今晚唔會去得太盡！