雷恩唔吼盃仔聯賽尼料

猪拉多纳

16/04/2012
文： ComboKing

法甲獨腳戲由雷恩主場對尼斯，兩支球隊均有取分必要，今場一定打真軍冇保留。而雷恩對於來季歐洲賽資格仍然有期望，既然今場對手係一支護級球隊，雷恩當然會好好把握機會攞晒三分，吼主Ｗ。（周二凌晨3時開賽）

主場出擊可破尼斯

雷恩剛啱喺法足盃輸畀低組別球隊奎維利，但大家唔使對敗績太過着緊。事實上球隊早就將所有力量放到聯賽當中，盃賽落敗可謂意料中事，如今返回聯賽應可見真章。尼斯近況雖不俗，但剛賽所擊敗嘅羅連安特亦只不過係一支下游球隊，今場鬥雷恩未必有咁醒神。另外尼斯近幾次作客雷恩都冇好結果，賽績上都側重喺主隊一方。


至於德乙特雷斯登主場對杜塞爾多夫，後者要保升班附加賽資格，今場一定會繼續搏殺搶分。實在特雷斯登都已經冇嘢好爭，話唔定今場賣個人情畀杜塞爾多夫，客Ｗ開出機會相當之高。最後阿甲拉魯斯主場對拉費爾拿，主Ｗ較為樂觀。留意到拉費爾拿聯賽客敗率高達七成五，環境因素對佢哋有好大影響，相信拉魯斯只要交出正常水準，今場可望輕取對手。