畢爾包留力馬略卡有機可乘

猪拉多纳

15/04/2012
文： 鄭少偉

「亨利」一向極之欣賞只用「土炮」嘅球會方針，所以十分睇好一班畢爾包新星嘅前途，不過考慮到佢哋嚟緊要喺歐霸盃4強首回合鬥士砵亭，今晚西甲主場對住馬略卡或有所保留，細細哋博吓客軍2.35倍「讓球客勝」無妨。（now632台周一凌晨0：00直播）

周中歐霸要鬥士砵亭

現今世界級球星可以收到天價人工，除咗佢哋本身具備足球天賦外，後天嘅栽培都好重要，上網睇到有報道話西班牙足總每年用喺青訓工作嘅支出，佔咗佢哋總收益嘅50%。每年投放咁多人力物力，配合埋西班牙各大小球會出色嘅青訓系統，「鬥牛國」先可以打造出今日嘅足球盛世。


一眾青訓系統出色嘅球會當中，好多人都知畢爾包只會起用巴斯克人，球員亦視代表畢爾包上陣係一種光榮，呢點睇番畢爾包之前喺歐霸盃淘汰曼聯同史浩克04後，職球員場上圍圈擁抱嗰種激情表現就可知一二。正正因為呢種精神，「亨利」相信畢爾包上下，都會將挑戰歐霸盃作為當前目標，所以今場就算主場迎戰馬略卡，都好大機會好似之前幾次歐霸盃前咁收起陣中主力，近4次作客2勝1和1負嘅馬略卡絕對有機可乘，博「讓球客勝」。