蝙蝠兵團傷疲盡起

猪拉多纳

15/04/2012
文： 郭球奇

今晚西甲超早場有愛斯賓奴主場對華倫西亞。雖則話華倫有歐霸盃後顧之憂，但由於聯賽「三哥」位置開始受到壓力，再唔搏唔掂，傷兵問題又得到改善，對住財困季尾面臨大清洗嘅「愛奴」，球奇覺得平手盤買華倫應該坐走望贏！（now632台周日晚6：00直播）

愛斯賓奴 Vs 華倫西亞

由於早前「三哥」位置非常穩陣，而且要兼顧歐霸盃，「蝙蝠兵團」一度放棄西甲，錄得4戰不勝，然而隨住馬拉加同利雲特愈追愈貼，為免跌落第4，下季要打歐聯外圍賽，華倫近日終於認真番，繼作客逼和皇馬後，日前更大勝華歷簡奴4：1。


嚟緊周中華倫將喺歐霸盃4強首回合先作客馬體會，但難得今晚喺西甲超早場出擊，球奇相信華倫留力都有個譜，何況傷兵問題近日大有改善，中場簡拿利斯、中堅馬杜路等都相繼復出，就算射手蘇爾達杜拉傷肌肉唔踢得，都仲有莊拿斯干卡維斯、皮亞堤同阿度里斯可供選擇，人腳極之充裕。

「愛奴」負債16億賣人填氹

原本今季表現一直好平穩、一度升上第5位嘅愛斯賓奴，自從早前承認目前負債達1.6億歐元（約16億港元）、季尾好大機會要將最踢得嘅球員賣走填氹後，即時錄得5場不勝，可見影響有幾大。近日教練普捷天奴更承認三大新星─前鋒艾華路華斯基斯、中場赫達摩蘭奴同後衞佐迪阿馬特，已被英國一間投資公司以230萬歐元（約2,350萬港元）買入一半擁有權，預計季尾都會走人，對「愛奴」構成更大嘅打擊，陣營立立亂，睇怕今晚都好難打破近5次對華倫都贏唔到嘅魔咒。

「愛奴」近5次對華倫不勝

日期 戰果


11/12/04 客負華倫1：2

11/05/12 主和華倫2：2

11/01/03 客負華倫1：2

10/05/02 主負華倫0：2

10/01/02 客負華倫0：1