史雲斯打落水狗

猪拉多纳

14/04/2012
文： SAMVO肥叔

英超爭標形勢基本上大局已定，曼聯捧盃應該十拿九穩，依家焦點落喺護級方面，除咗包尾狼隊好大機會降班之外，布力般流浪亦好可能下季英冠見。布力般實力差之餘，仲缺乏信心，兼冇鬥志，睇怕都好難翻身。布力般今晚作客史雲斯，捧主勝。（有線300及200台周六晚10時直播）

主隊４連敗後可止血

布力般近期輸咗兩場關鍵聯賽，分別為１比２不敵保頓同吞西布朗３蛋，其實以佢哋嘅班底，冇理由喺呢兩場鬥同級對手嘅場合都攞唔到分，反映布力般已喪失護級意志，而呢兩場敗仗亦進一步削減球隊信心，如上仗對利物浦大部分時間打多一人情況下都唔敢谷前搶攻，結果臨尾輸埋。以布力般現時頹勢，餘下賽事都難有作為。


史雲斯雖然連輸４場，但對手不乏強隊，屬於情有可原，佢哋今季主場水準一向有保證，對住熱刺、曼城、阿仙奴及車路士都能保持不敗，今仗遇到布力般，正好趁機打落水狗，重敲勝鼓。另足總盃４強利物浦對愛華頓安排喺溫布萊舉行，實力上紅軍佔優，而且上仗打少一人下補時贏布力般，運氣返晒嚟，可以秤先些少。

撐紐倫堡作客奏「凱」

德甲方面，包尾凱沙羅頓大勢已去，難逃降班厄運，主場對紐倫堡可捧客軍。西甲利雲特主場對巴塞隆拿，利雲特到季尾仲可以排前列，可見佢哋有真材實料，而且巴塞有歐聯後顧之憂，利雲特受讓可取，亦可兼顧入球大。

肥叔心水

利物浦上盤


紐倫堡上盤

史浩克04下盤

新特蘭大

史雲斯上盤

拜仁慕尼黑大

利雲特下盤、大