錫菲聯為保二哥位搵奧連特開刀

猪拉多纳

14/04/2012
文： RICHARD WELBING

英甲接近尾聲，現時排行第2位嘅錫菲聯要力保直接升班資格。本周主場迎戰奧連特，以佢哋近期嘅佳態，今晚應可以再下一城，「讓球主勝」係唔錯嘅選擇。（周六晚10時開賽）


英甲有兩個直接升班席位，相信其中一個好有機會落喺榜首查爾頓手上。而另一席位就留待「雙錫」爭奪。實在錫菲聯只不過以2分之微壓住同市球隊錫周三，呢個「二哥」位置根本唔穩陣，亦可以講係冇太多失分空間。

上仗大炒羅奇代爾

留意到錫菲聯上周面對下游球隊羅奇代爾，但錫菲聯完全唔「錫力」，最後以5比2大勝。今次又遇另一支護級球隊奧連特，錫菲聯又點會畀面對手，話唔定又有大手交易。近期錫菲聯前鋒卓雲伊雲斯被捲入強姦案，但見佢演出並未受到影響，錫菲聯有佢幫手，入多幾球都冇難度。