博皇馬小勝收工

猪拉多纳

14/04/2012
文： 法達斯維

只係抖咗3日，皇家馬德里又要出戰西甲，主場面對矢志護級嘅希杭。雖然雙方實力強弱懸殊，但皇馬剛激戰完同市打吡，跟住周中又要遠征德國，喺歐聯4強鬥拜仁慕尼黑，今仗定必速戰速決，贏夠就收，斯維揀入球細及「主主」。（now 632周日凌晨2時直播）

速戰速決節省體力

上仗皇馬大勝馬體會4比1，但比賽過程絕非一面倒，若非C朗拿度嘅神級罰球同遠射，加上馬體會後衞高甸鹵莽犯規輸12碼，皇馬係咪能全取3分亦係未知之數。為應付一周多賽，皇馬教練莫連奴會繼續輪換制，上仗正選嘅賓施馬、卡卡、法比奧干查奧今仗或會休息，希古恩、格尼路、馬些路等隨時候命。由於沙比阿朗素停賽，紐尼沙軒將會取而代之。


幸好對手只是弱旅希杭，令莫帥可以為下周中歐聯對拜仁一戰稍稍留力，不過以皇馬嘅後備力量，即使實力受削仍然夠贏。而盡快在上半場鎖定勝局，下半場只要保持控球在腳節省體力，便成為皇馬今仗作戰策略。

希杭死守輸少當贏

希杭近況雖有起色，但作客巴拿貝亦自知好難偷雞，相信目標只求輸少當贏，預料會拚死頑抗，減少失波。咁嘅形勢下入球細有2.25倍就變得非常抵玩，另在主隊速戰速決嘅大前提下，「主主」亦可作過關膽材。