修咸頓雷丁「細」均力敵

猪拉多纳

13/04/2012
文： 查理阿蛋

意甲、西甲前列分子依家鬥得如火如荼，英冠聯賽亦爭到頭崩額裂！「一哥」修咸頓今晚喺主場迎戰排次席嘅雷丁，雖然主隊係聯賽進攻王，但唔好忘記雷丁防守力全聯賽最佳，加上榜首戰往往會踢得步步為營，小妹覺得敲1.77倍入球細穩陣啲。（now638台及廣東體育周六凌晨2：45直播）

雷丁防守英冠最醒

賽前修咸頓僅憑得失球差力壓同分嘅雷丁，今場勝方除咗向直接升班資格邁進一大步外，最後更大有可能喺英冠封王，今晚可謂一場6分戰，兩隊又點會想有任何差池？因此小妹唔睇好佢哋會冒險玩對攻，各位球迷都係唔好對場波有咩「大」期望喇！


雖然修咸頓坐擁喺今季各項賽事攻入30球嘅聯賽神射手列基林拔，仲有近排勁好火嘅比利沙柏，但係對手雷丁喺42輪聯賽只係失咗36球，失球數字英冠最少，主隊要咬得入佢哋都唔係話咁易，要開入球騷真係有啲難！