撐施禾利贏波攞夠芬升班

猪拉多纳

13/04/2012
文： ComboKing

來到季尾，投X前一定要睇實積分榜做人，留意爭標、護級同爭升班形勢。今晚荷乙施禾利主場對FC燕豪芬，主隊今仗只要贏波，就可以提早取得升班資格，兼立即喺自己地頭開派對慶祝，球員戰意一定高昂。阿King睇好施禾利全取3分升班，主勝可作過關重心。


（周六凌晨2時開賽）


根據荷乙賽制，冠軍可以直接升班，今季只餘下3輪聯賽，施禾利領先次席鹿特丹斯巴達8分，換言之佢哋今仗贏波，就穩奪冠軍寶座。為免夜長夢多，相信施禾利會搏盡攞齊3分。事實上，施禾利今季水準穩定，聯賽主場勝出率更高達8成，來到今場關鍵一戰，冇理由甩拖。至於FC燕豪芬上仗主場竟然輸畀下游分子阿梅爾城，似乎已疊埋心水踢升班附加賽，加上佢哋近6次作客施禾利錄得2和4負，明顯被對手剋住，難有運行。

格雷特霍夫主場有「保」證

德乙方面，榜首格雷特霍夫距離升班已愈來愈近，現時士氣高漲，今晚主場應可一鼓作氣，擊敗聖保利。護級方面，尾二嘅羅斯托克搶分決心十足，近期取得3連勝，今仗主場對尾四嘅弱旅FSV法蘭克福，羅軍更加要把握機會贏呢場「6分波」，要主勝。