博洛尼亞卡利亞里齊齊做細

猪拉多纳

12/04/2012
文： Mic少

意甲來到季尾，不時會出現「蠱惑波」，令莊家唔敢亂開盤，例如今晚博洛尼亞主場對卡利亞里，原本都冇開盤，但後來又開番，似乎已消除咗一啲「不明朗因素」。不過Mic少始終唔多放心，考慮到呢隊實力接近，戰意亦有限，寧願改捧入球細。


（周五凌晨2時45分開賽）


今場即使開番盤，但明顯將和波賠率壓低至2.3倍，比主W及客W都偏低，似乎暗示雙方會踢一場默契和波，各取1分。不過，有時莊家開盤亦唔可以盡信嘅，否則人人跟住賠率嚟買，咁就冇窮人啦！而且買和波一般風險都比較高，隨時一個無心插柳嘅符碌入波，就足以分出勝負，到時喊都冇謂。

和波滿意 鬥歎慢板

事實上，如果雙方有心想打和，踢法上應會傾向保守，歎慢板，入波機會相對較少，買入球細始終最穩陣。再睇近績，博洛尼亞攻力不濟，近3場只入1球，可謂就算想攻亦有心無力。


至於卡利亞里作客表現亦好差，今季15場聯賽作客只入13球，近6場作客更有5場交白卷。投X今場「蠱惑波」，無謂左度右度，一於簡單啲直取入球細。