AC搵紫百合出氣

猪拉多纳

07/04/2012
文： 巨高

因為復活節假期關係，十場意甲安排喺周六晚同周日凌晨舉行。意甲去到球季尾段，部分場次又出現不尋常賠率，當中阿特蘭大主場對錫耶納，以及基爾禾主場對卡坦尼亞，兩場和波賠率都偏低，球迷落注前要小心。至於直播賽事方面，包括榜首AC米蘭主場對費倫天拿。AC米蘭爭標要緊一定搏盡，而費倫天拿「傷停」情況嚴重戰力下滑，預料AC米蘭可以大炒費倫天拿，「讓球主勝」可捧。（now 633及660周六晚9時直播）


AC米蘭周中歐聯畀巴塞隆拿踢出局，賽後AC米蘭班主大鬧球證向巴塞送禮累佢哋出局，谷住成肚火不吐不快。依家AC米蘭球員嬲爆，最需要就係「出氣」，費倫天拿喺呢個時候遇到AC米蘭都算佢哋唔好彩。再講，AC米蘭只剩番聯賽可爭，未來日子必定專心踢好聯賽，以免被次席祖雲達斯趕上。既有強大爭標鬥志推動，AC米蘭今場又點會放生「紫百合」。

費倫班主擬賣盤拖低士氣

費倫天拿今季成績差劣，就算降班都唔出奇，好多人都感到奇怪，點解老闆達拉華利兄弟仲唔向教練迪里奧羅斯「開刀」。其實理由好簡單，因為達拉華利已對球隊死心，橫掂踢多幾場就完季，無謂搞咁多嘢。另外有意國媒體爆出，達拉華利準備喺夏季賣盤，無謂貼錢買難受咁戇居喎！

阿特蘭大和波得2.5倍

至於人腳方面，「紫百合」兩名前鋒阿利斯奧施斯及阿馬利今場都唔出得，兩名後衞高特立及甘巴連尼就繼續養傷，個陣殘成咁，今場點同AC米蘭鬥。另外，臨近季尾，意大利波又出現「不尋常」盤口，其中阿特蘭大主場對錫耶納，和波得2.5倍，值得留意。