列斯聯冇Fans撐雷丁大爆發

猪拉多纳

06/04/2012
文： 朱楓

呼籲球迷唔好入場睇波？可想而知列斯聯家陣情況有幾曳！列斯聯領隊禾諾克坦言因為有多名主力缺陣，今晚都唔知派邊個落場，作客近況大勇嘅雷丁九死一生，1.55倍主勝有買趁早！（now638台周五晚9：00直播）


因為有多位主力停賽，列斯聯近日戰績大跌，繼主場慘敗畀森林3：7後，上周主場又淨吞屈福特2蛋，今晚出戰雷丁，就有中場阿當基頓、後衞保羅干洛尼同戴倫奧迪亞停賽，後衞艾登韋特亦因傷肯定缺陣，好可能要帶幾名新人隨軍湊夠數，最後禾諾克仲話因為睇見隊波近1年喺閒日比賽只係贏過2場，呼籲球迷今晚唔使隨隊，如果喺屋企就最好轉台睇其他節目，簡直係匪夷所思。


同列斯聯相反，雷丁踏入2012年後弗到爆，上場作客照贏升班大熱韋斯咸4：2，啱啱仲回收番近6場英甲幫基寧咸射入3球嘅新星佐敦奧比達，簡直如虎添翼，今晚對列斯聯隨時開個「主其他」都仲得！