甘堡爾當旺客似雲來

猪拉多纳

06/04/2012
文： ComboKing

今晚有成三十幾場波花多眼亂，所以阿King就鎖定玩荷乙，特別睇中一場雲登主場對甘堡爾，下游分子雲登神仙難救，遇上狀態不俗嘅甘堡爾好難唔輸，捧「讓球客勝」。


（周六凌晨2時開賽）


雲登今季淪落至此，同佢哋主場成績欠佳有關，近十場主場聯賽一勝，連喺自己地頭都佔唔到甜頭，點搶分護級呀？甘堡爾近況唔錯，剛仗大勝榜首球隊施禾利三球，雖然施軍歇冬後跌Watt，但能贈其三蛋實非等閒之輩，呢場作客都冇有怕，贏兩球正路。

丹保殊「細」襲燕豪芬

另外，丹保殊主場迎戰FC燕豪芬，主隊攻力平平，遇上防守穩健嘅FC燕豪芬，幾難有波入。FC燕豪芬失球數字之少冠絕荷乙，料作客會踢得更保守，呢場捧細。


至於多德勒支主場對阿高夫，多軍入得又失得，主場出擊必搶攻，有力大炒阿高夫，就算入球大轉為3.5球都照跟。