米達列斯士命必達

猪拉多纳

05/04/2012
文： Mic少

另一八強戰由烏克蘭米達列斯主場對葡萄牙士砵亭，米軍近年於歐霸盃打出名堂，現時更肩負宣傳今夏歐國盃重任，佢哋首回合僅輸一比二，次回合返主場博翻身，1.85倍主W抵玩。 （有線63及203台周五凌晨3時05分直播）


今屆歐國盃將於六月喺烏克蘭同波蘭舉行，外界一直認為兩個東歐國家根本未夠班舉行呢項大賽，全因歐洲足協會長柏天尼推行「鋤強扶弱」政策，先至獲得主辦權。兩國球壇都希望喺歐洲賽創一番事業為自己正名，其中於烏克蘭舉辦嘅決賽周賽事，銷情竟遠遠落後於波蘭，可見烏克蘭更加要爭氣。

士砵亭不擅守

米達列斯首回合完場前追成一比二，命不該絕，今場小小哋贏一比○就能夠出線。士砵亭上圈雖淘汰曼城，但次回合作客領先兩球下都反輸二比三，證明冇穩守本錢，佢哋今屆歐霸盃六場作客只得一勝，今晚都好難守得住米達列斯。