車仔撞維拉隨時甩轆

猪拉多纳

31/03/2012
文： 車車

唔經唔覺聽日就已經踏入4月，英超得番唔夠10輪比賽，球隊可以搶分嘅機會已經買少見少。依家排英超第5嘅車路士三線（英超、足總盃同歐聯）發展，呢支歐聯唯一英超代表周中作客葡萄牙對賓菲加險勝而回，近期風塵僕僕，今晚繼續作客之路，對手係阿士東維拉。（有線201及301台周六晚10時直播）


車路士自從炒咗領隊保亞斯後，情況的確有好轉，7場波之中都只係輸過畀曼城，就連N世冇入球嘅費蘭度托利斯（圖）都翻埋生！有睇周中歐聯場波，都見佢就算無波入，都交腳靚波助攻畀沙洛文卡勞奠勝。但班車仔球員唔好太開心住，雖然有個作客入球喺手，但下星期仲要踢埋次回合架！

入球細半場和兼投

今晚車仔又要作客，翻查數據，車路士近10場作客賽事中入9球失10球，其實作客表現唔算太理想囉，去到人哋地頭好易又「甩轆」！至於主隊維拉，依家排喺下游位置，暫時唔使擔心護級，但近況都唔係好架喇！佢哋近8場只贏得1場，主場近10場只贏得2場。


好彩嘅係，維拉主場對勁旅唔會失太多波。再睇雙方近5場主、客聯賽績，都係開4次入球細、3次半場和，所以今晚我會撐呢兩瓣。


車車推介：阿士東維拉 Vs 車路士 半場和、入球細