士砵亭盃賽主場旺開細

猪拉多纳

29/03/2012
文： 走肖

歐霸盃8強首回合今晚連環爆發，由葡超名牌士砵亭喺主場對住烏克蘭球隊米達列斯，入球細最抵玩。士砵亭過去兩次遇上烏克蘭球隊，完全冇失過波，而且今季盃賽主場慣晒開入球細。對家米達列斯首次躋身歐洲賽8強，踢起上嚟難免緊張腳仔軟，隨時連波都唔識入o架，1.59倍入球細值得捧場！（有線63及203周五凌晨3：05直播）

米達列斯輸經驗易死火

士砵亭以往4次對烏克蘭球隊贏晒，主場對基輔戴拿模同薩克達都能夠保持清白，試問有咩理由會驚米達列斯？再講，今季士砵亭嘅主場盃賽唔旺入球騷，對上10場有8場開入球細，期間有7場冇失波，防線硬淨係佢哋爭奪歐霸盃最大本錢，首回合當然唔希望畀對手攻入作客入球啦！


睇番近況，米達列斯連續3場開入球大，兼且勁入7球，正路今場入球大應該有飛到，點知足智彩竟然將今場入球大開到有2.2倍超級好分，反而入球細僅得1.59倍，要知道X府都唔會成日派錢，馬會又點會無厘頭開倉派米益賭仔吖，信得過佢哋嘅專業眼光，覺得米達列斯首次踢歐洲賽8強易死火，最好信馬會照跟玩入球細。