曼城冇阿古路難捉「黑貓」

猪拉多纳

29/03/2012
文： 阿水

賭波、賭馬有時除咗要眼光獨到，搵到盞「燈」都好重要。咩係「燈」？即係你去賭大細，有個黑仔買大開細，買細開大，你咪當佢「燈」，鋪鋪買佢對家，輕輕鬆鬆贏大錢囉！


其實就連賭波都一樣，阿水知道唔少艇仔或莊家，都會搵啲「燈」對賭，見個黑仔一出手，自己就再加倍補飛買埋對家。至於另一種情況，有客仔逢賭必勝，買邊瓣開邊瓣，艇仔甚至叫佢哋買波時將注碼加倍、3倍，甚至4倍，幫自己買多份，黐吓佢啲旺氣。

保頓為梅姆巴而戰鬥志好

阿水老友煙仔今期勁黑仔，買主開客，買上盤開下盤，今個周末佢就話睇中曼城穩𡁻新特蘭，話佢哋既要搶分爭標，又話會有泰維斯擔正梗搏命。咪話阿水潑佢冷水，「野獸」回歸頂受傷嘅阿古路，都要再培養吓默契，加埋有「燈」出手，讓波多不如博個下盤好過。


另外狼隊對保頓，盞「燈」話狼隊主場讓平半抵玩，阿水就寧願捧保頓，為梅姆巴而戰鬥志好嘛！

對賽往績

12/01/01 英超 新特蘭1：0曼  城 曼讓半一 下盤


11/04/03 英超 曼  城5：0新特蘭 曼讓一球 上盤

10/08/29 英超 新特蘭1：0曼  城 曼讓半一 下盤

對賽往績

11/12/31 英超 保  頓1：1狼  隊 保讓平半 下盤

11/02/02 英超 保  頓1：0狼  隊 保讓半球 上盤

10/11/13 英超 狼  隊2：3保  頓 狼讓平半 下盤