國民隊主場搵利翻身

猪拉多纳

27/03/2012
文： 笛子波童

自由盃E組去到第四輪分組賽，烏拉圭蒙特維多國民隊及秘魯利馬聯仲有機會爭出線，不過利馬聯對上九場作客輸八場，國民隊有望憑主場之利報回上次輸波之仇，波童建議捧1.85倍「讓球主勝」。（周三早上6時15分開賽）


利馬聯上次主場一比○小勝蒙特維多國民隊，保住一絲出線希望，不過佢哋對上九場作客賽事只得一勝，當中近六仗全部輸晒，今仗搶分難度甚高。國民隊近三場主場全勝，平均每場入三球，演出較有保證，1.27倍主W熱得有理，求分頭可捧「讓球主勝」。


塔奇拉國民會「大」晒冷


另外兩場賽事，F組委內瑞拉塔奇拉主場鬥巴拉圭國民會，兩軍為保出線機會都唔會保守，捧入球大。最後H組智利大學主場鬥烏拉圭彭拿路，彭拿路三戰不勝實力有限，上次主場都贏唔到對手，今次作客更難踢，捧智利大學主W。