畢爾包喪攻「-1」有杭

猪拉多纳

25/03/2012
文： 法達斯維

瘋子軍團又出擊喇！綽號「瘋子」的畢爾包教練比爾沙，今季帶領這支巴斯克球隊備受好評，當然唔好畀佢停喇，今晚有排尾二嘅希杭自動送上門，一於「攻呀攻快搶攻」，畢爾包「讓球主勝」有1.95倍咪走寶。（now 632周一凌晨零時直播）


隨住年紀漸大，比爾沙已經冇以前咁癲，佢冇夾硬使用成名作3-3-1-3陣式，在秉承畢爾包傳統下作出微調，將三線移前，利用該隊一貫勇悍的踢法，於前場積極進行壓迫，令對手難越半場而被迫一味長傳，呢種看似冒險的舉措，反而減輕了球隊防守壓力。

希杭反抗有心無力

另外，比爾沙不斷發掘球員的潛力，除了讓查維馬天尼斯坐鎮防線，迪馬高斯已踢勻三線位置，而蒙尼恩不再局限於邊路，佢埋伏在洛蘭迪身後充當影子前鋒亦如魚得水。


由於廣受好評，令比爾沙、蒙尼恩受到國際米蘭垂青，比帥對去年拒絕國米的邀請形容為「一生最痛」，相信今次會好好把握機會，協助畢爾包繼續打好波，然後名正言順入主國米，今仗面對近十仗僅一勝已病入膏肓的希杭，至少可贏兩粒，「讓球主客和」畢爾包「-1」，捧「讓球主勝」外，入球大可兼投。