布拉加６連勝強勢打爆基

猪拉多纳

22/03/2012
文： Combo King

今晚阿King推介一條三串一畀大家，重心放在葡聯盃四強戰，布拉加今季兩勝基維辛迪，有格食格味道，客Ｗ值得支持，再配兩場分別係荷蘭盃四強阿爾克馬爾半場搞掂對手、自由盃分組賽葛度爾古斯「讓球客勝」，有６倍分頭夠和味。


基維辛迪於剛過去周二凌晨主場以二比○擊敗士砵亭，不過由於對手近期需兼顧歐霸盃，贏波未必完全反映基軍實力及狀態。事實上基維辛迪今季兩鬥布拉加皆落敗，而且又比布拉加少一日時間休息，就算主場出擊亦冇優勢，布拉加連盃賽在內連贏六場，乘勇有力再下一城。

阿爾克馬爾半場贏得

荷蘭盃四強阿爾克馬爾主場對荷華高斯，荷華高斯作客表現打折扣，阿爾克馬爾主場可勝。荷華高斯近七場有六次半場落後，嫌主Ｗ冇肉食不妨捧「半場主勝」。自由盃分組賽國民體育會主場鬥葛度爾古斯，國民體育會近況麻麻，而且目前七分在手，求勝決心恐不及客軍，一於捧「讓球客勝」。