維拉利爾聽輸鑊甘

猪拉多纳

21/03/2012
文： 力奇

「黃色潛艇」維拉利爾今季表現同個朵一樣，一「潛」不起，依家仲捲入降班漩渦，偏偏佢哋搵嚟救亡嘅新帥洛迪拿唔多靠得住，今晚喺西甲主場對住決心搶分保住領先優勢嘅皇馬，想浮番出水面都幾難。考慮到皇馬近年對戰例炒「黃潛」，1.87倍「讓球客勝」值得捧場。（now632台周四凌晨5:00直播）


維拉利爾今季分心打歐聯同聯賽，搞到兩敗俱傷，歐聯分組全敗出局，西甲依家又排第17，要為護級而戰。隊波執極都唔掂，高層季內三換主帥，啱啱改由洛迪拿接手，不過上季佢先至帶住拉科魯尼亞降班，存亡之秋都唔搵個似樣啲嘅教練，維拉利爾前景都幾唔樂觀。

11隊易帥後交鋒僅2和9負

再畀多個數據大家，原來自98年起，合共有11支球隊喺對皇馬前換教頭，結果佢哋之後對戰皇馬共錄得2和9負，今場仲點捧得落手？皇馬上仗對馬拉加臨完場失守被逼和1:1，聯賽11連勝斷纜，如果今晨巴塞贏埋CF格蘭納達，皇馬領先優勢就會得番5分，為免爭標有差池，莫連奴上周末踢完對馬拉加場夜波後第二朝，即刻安排加操，務求要班波Keep住最弗狀態。

近5次對賽皇馬至少贏2粒

雖然皇馬個阿根廷快翼迪馬利亞都仲未好番晒，今晚可能繼續缺陣，不過近況回勇嘅卡卡則有望打正選，配合埋C朗同賓施馬等巨星，以佢哋近5次對戰「黃潛」全勝兼最少贏2球，今仗唔難大捷攞3分啦！

橫數千軍

黃潛近5場未贏過


‧近11支換帥後即鬥皇馬球隊只得2和9負。

‧近5戰得1和4負，入4球失11球。

皇馬近5次對賽全勝

‧近5次對維拉利爾全勝，至少贏2球。

‧西甲客場王13戰得11勝1和1負。