馬體會畢爾包勢演入球騷

猪拉多纳

21/03/2012
文： 法達斯維

周中西甲開快車，兩支「當旺雄獅」馬德里體育會主場對畢爾包互相廝殺，佢哋實力不相伯仲，但依家信心爆棚，唔會打守勢波，鬥攻之下精彩可期，入球大有1.77倍非常筍。（now 632周四凌晨3時直播）


如果大家有留意西甲的話，唔計「西超」皇馬同巴塞，近期最旺的非馬體會與畢爾包莫屬。主隊馬體會有新帥施蒙尼撥亂反正，讓法卡奧居中，阿祖安盧比斯及伊度亞度沙維奧於邊路快放，在分工清晰下，充分發揮出佢哋的進攻潛能，入球便滾滾而來。

畢爾包蛻變全民皆攻

「瘋子」教練比爾沙的進攻思維，令畢爾包完成蛻變，佢不惜把中場硬漢查維馬天尼斯改踢中堅，希望他由後場組織進攻，帶出「全民皆攻」的訊息。正是比帥的鼓勵下，右閘伊拉奧拿可肆無忌憚咁出擊，而蒙尼恩及迪馬高斯的後上支援，令前鋒洛蘭迪得到源源不絕的供應，入波自然多。既然兩軍進攻欲咁強，入球大係投X首選。