烏甸拿玻里合演大騷

猪拉多纳

18/03/2012
文： Combo King

今晚咁多場波，對鍾意過關嘅阿king來講，又有好多心水推介。其中阿king睇中咗烏甸尼斯對拿玻里，呢兩隊攻擊手眾多，唔使諗咁多一於捧大！


（now 633用一凌晨3時45分直播）


兩隊剛踢完歐洲賽，雖然一贏一輸，但結果都係雙雙出局，令佢哋今季唯一希望只係剩番爭下屆歐洲賽席位。現在兩軍同分排喺第四、五位，但佢哋只差距第三位嘅拉素兩分，所以仲有機會踢歐聯又點會唔爭？


恰巧，烏甸尼斯同拿玻里都係打三五二陣式，相對而言，兩軍防線都冇咁穩健，但前線入球能力就唔講得笑，烏甸隊長迪拿達利數胡能力於意甲首屈一指，拿玻里有三叉戟拿維斯、卡雲尼同咸錫，既然大家都為歐聯席位毫無保留，今仗一於揀入球大。


另外，西甲球隊維拉利爾為護級已豁出去，近期有前冇後大踢性感足球，呢場作客利雲特，預料踢法唔會大變，再追大。蘇超赫斯防線冇季初咁堅韌，遇上入得又失得嘅喜伯年，串埋呢場大都咪話唔和味。