細哨隱形法 林明高讓唔起

猪拉多纳

15/03/2012
文： 走肖

踢到冇影已經夠衰，踢到隱形更加唔掂。南美自由盃聽朝繼續上演，由巴西球隊法林明高喺B組主場對巴拉圭嘅奧林比亞會，冷敲2.4倍「讓球客勝」有着數。雖然法林明高近況唔曳，可惜朗拿甸奴受到欠薪風波影響，踢到依家仲未上力，即使為巴西國家隊比賽都自動隱形，唔似惡得出樣。（開賽時間：周五早上9:00）


奧林比亞會國腳孭到飛


現時法林明高喺分組賽得1勝1和，日前喺州聯賽又以2:0解決富明尼斯，弊在佢哋嘅王牌球星朗拿甸奴，曾經被欠薪問題影響季前備戰，即使後尾有番糧出已經冇晒心機。上個月「細哨」為巴西踢熱身賽，傳媒形容佢係隱形人、路人甲，完全唔知佢踢乜，最近有中超球隊夠膽話要斟佢，就知道細哨家陣今非昔比，好打極有限。




其實法林明高今季有教練盧森保高同射手堤亞高尼夫斯離隊，影響唔細，加上新球員級數普通，一味靠朗拿甸奴唔似有贏波把握。事實上，奧林比亞會近排連贏4場，陣中嘅巴拉圭前鋒沙巴路斯同哥倫比亞翼鋒維迪馬馬田都係國腳級球員，當然唔會捱打，爆冷搶到分唔出奇。




自由盃B組


自由盃賽制


32支球隊分8組進行雙循環賽，勝3分，和1分，負0分。8支小組首名及次名，共16支球隊，將躋身16強淘汰賽。


中冠盃賽制


採主客兩回合淘汰制，今輪為8強次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。

好久没做猪