阿布唔夠狠累死車仔

猪拉多纳

14/03/2012
文： 黃興桂

於隊際運動入面，最重要係領隊、球員團結一致，一條心為球隊賣命，大家合作無間，彼此有化學作用擦出火花，咁先可以得到理想成績。於Peter哲學入面，青訓永遠先係王道；有冇球星、名帥都唔緊要，因為就算佢哋身價幾高都好，亦都唔係「包生仔」一定有用，車路士嘅前領隊保亞斯同射手費蘭度托利斯，就係活生生嘅例子。




富商入主球隊，要用最短時間取得成功，斥巨資買人的確係最快捷辦法，但千祈唔好以為肯使錢，就必定攞到冠軍，用天文數字聘請大牌名帥名將，幾時都存在極高風險。阿布親自操刀，斥巨資招攬費托同保亞斯，當然希望佢哋有料到，但最後兩個都唔啱用；要將二人放棄，唔係咁易。一來使咗好多錢，二來咁快「棄權」，就等於承認自己眼光唔好，咁搞法真係面又冇、錢又冇，所以阿布亦十五、十六，遲遲唔肯對佢哋手起刀落。


留力聯賽博前4好過


好喇依家球季過了大半，車仔面臨四大皆空，隨時連來屆歐聯席位都不保，阿布先肯炒保亞斯，事實上已太遲了。周四凌晨歐聯十六強次回合，車仔主場對拿玻里，佢哋雖有主場之利，但投X者都唔好對藍軍有任何期望。




況且，車仔就算過到拿玻里，但捧盃機會微乎其微，不如留番啖氣博聯賽前四，今夏洗牌再嚟過，下季先再做另一條好漢。




金句：阿布等到三月先肯壯士斷臂，遲唔遲啲呀？

好久没做猪