拿玻里再爆殘車

猪拉多纳

14/03/2012
文： 蘇豪

歐聯十六強次回合矚目對決，英超富豪球會車路士主場對意甲勁旅拿玻里，「車仔」首回合作客輸一比三，今場決心絕地反擊，大軍改由迪馬堤奧領軍後兩戰贏晒，但對手唔勁，不宜作準！拿玻里分組賽兩戰曼城都唔使輸，唔怕殘「車」，主將咸錫話明作客照攻，受讓半一要下盤！（有線62及202台周四凌晨3時45分直播）




車路士月初不敵西布朗後即炒保亞斯，阿布暫以迪馬堤奧帶到季尾，迪帥腳頭唔錯，領軍後兩戰兩勝，而且同樣保持不失，驟眼睇嚟已有好轉。不過，「車仔」前仗作客英冠球隊伯明翰換邊後先入兩球贏波，上次主場對史篤城又係下半場中段先由杜奧巴打破僵局，踢落同樣未見霸氣，大軍近九戰贏三場，除上述兩場外，另一場勝仗對手係弱旅保頓，打硬仗冇場掂，已經不復當年勇。


車路士追數易輸反擊


拿玻里首回合主場對車路士贏三比一，現時有兩球領先優勢，不過，呢班波向來唔擅守，眼見另一意甲球隊AC米蘭領先後採取被動踢法畀阿仙奴追到氣咳，隊中進攻重心咸錫話明唔會坐以待斃，今次一定會爭取士哥。「車仔」主場出擊搶攻，後防會暴露更多空位，拿玻里射手拿維斯首回合梅開二度，呢個阿根廷射手好跑得，中鋒卡雲尼把握力高，今場大把反擊機會，兩個殺手又有望數胡。




車路士今次主場出擊，理論上贏面較高，但呢個只係假象，球隊近五次歐聯淘汰賽主場出擊未嘗一勝，根本冇乜着數，唔好睇得太高。拿玻里今屆分組賽兩戰曼城一勝一和，今時今日曼城係英超頂級球隊，以此作為指標，拿玻里對住「車仔」完全未驚過，受讓半一值得捧場！


歐聯密碼


0 兩軍除咗首回合賽事，從未對賽過




2 車路士於歐洲賽淘汰賽階段，3次對意甲球隊2次淘汰對手

3 拿玻里今次係第3次到訪英格蘭，前兩次1和1負

4 拿玻里13次歐洲賽首回合領先，4次於次回合落敗

10 車路士今季分組賽主場3戰全勝入10球冇失球

好久没做猪