黃色潛艇W1.8倍好分得滯

猪拉多纳

12/03/2012
文： 力奇

戰績大幅下滑嘅維拉利爾，今晚喺西甲獨腳戲嘅下游大戰火併基達菲，唔想捲入降班漩渦，唔搏命唔得。不過力奇認為「黃色潛艇」想搏都有心無力，傷兵纍纍近況又唔掂，最慘係對住5場不勝嘅基達菲都熱唔透，唔似贏得，今場寧博1.87倍「讓球客勝」好過。（開賽時間：周二凌晨4:00）

近4次交手贏3場

唔計尋晚戰果，維拉利爾家陣排第17位，僅僅高過護級安全線3分，反映佢哋今季踢得幾差。射手基奧斯比羅斯長期缺陣固然係主因，點知呢隻爛艇近排又係傷兵不絕，包括奧利奧爾、馬高魯賓同梅沙基奧等主力今仗都話唔出得，以佢哋近3戰不勝頹勢，憑乜贏波先？


基達菲呢邊，近5戰不勝狀態一樣低沉，但令力奇肯投下信心一票，係佢哋近4次同「黃色潛艇」交手竟然有3次贏波，係明顯佔優嘅一方。再者，維拉利爾今仗喺主場出戰非勝不可嘅環境底下，個主W1.8倍睇落似乎好分得滯，確實有多少暗湧，力奇寧願拗拗頸，一於捧對家。